सहकारीकर्मीहरुलाई रजिष्ट्रारको अनुरोध
सर्वप्रथम सहकारी अभिवादन !
देशमा न्यून आय भएका विपन्न तथा पिछडिएका जनताहरुको सामाजिक तथा आर्थिक उन्नति गर्न सहकारी क्षेत्रको महत्वपूर्ण भूमिका रहेको छ । नेपालको अन्तरिम संविधानमा समेत आर्थिक विकास का तिनवटा आधार स्तम्भ मध्ये सहकारीलाई एउटा आधार स्तम्भका रुपमा स्वीकार गरिएको छ । अबको आवश्यकता भनेको एकातर्फ विकासले छुननसकेका सीमान्तवर्गको पहुँचमा सहकारीलाई पुर् याउनु परेको छ भने अर्को तर्फ संख्यात्मक गणनालाई मात्र नहेरी गुणात्मक विकास तर्फ ध्यान दिनु पनि उत्तिकै जरुरी छ । सहकारी नाफामूलक व्यवसाय मात्र नभै , सदस्यहरुको ईच्छा , आकांक्षा र आवश्यकतानुसार सेवा पुर् याउनु सहकारीको पहिलो प्राथमिकता भित्र पर्दछ । सहकारीको धेरै पक्षमा सकरात्मक योगदान छ , तापनि सहकारीलाई नाफा कमाउने उद्देश्य मात्र राखि केही व्यक्ति , समूहहरुले सहकारीको मूल्य , मान्यता , सिद्धान्त र आदर्शलाई विर्सेर आफ्नो स्वार्थ सिद्धिमा लाग्दा सहकारीलाई बदनाम गराउने दुस्प्रयास समेत हुँदै आएको छ ।
अतयव , सम्पूर्ण सहकारीकर्मी , नागरिक समाज , बुद्धिजिवी र सहकारीलाई माया गर्ने हरेक नागरिक अब सचेत हुने बेला आएको छ । अहिलेको आवश्यकता भनेको व्यवस्थित एवं विधिसंगत सहकारीको प्रबद्र्धन नै हो । तसर्थ , अन्तराष्ट्रिय सहकारी संघका सिधान्त मूल्य , मान्यता , प्रचलित ऐन , कानून , नियमलाई व्यवहारमा उतारी सहकारी शिक्षालाई जन – जनमा पुर् याई सहयोग गर्नुको साथै प्रत्येक सहकारीकर्मीले निम्नलिखित विषयमा पनि विशेष ध्यान दिन आग्रह गर्दछु ।
तपाई सदस्य भएको सहकारी संस्थाको सालबसाली लेखापरीक्षण हुने गरेको छ छैन ? जानकारी राख्नुहोस् ।
समयानुसार सबै सदस्यहरुलाई सहकारी शिक्षा लगायत अन्य सम सामयिक तालिमको संचालन गर्ने गरिएको छ छैन ? यस्तो व्यवस्था नभएको भए पहल गर्नुहोस् ।
ऋण लगानी गर्दा प्रर्याप्त धितो व्यवस्था गरिएको छ छैन ? व्याज लिने र दिनेमा औषत व्याजदरको अन्तर ६ प्रतिशत भन्दा फरक पारिएको छ कि ? संस्थाको लगानी गलत ठाउँमा भएको त छैन ? विचार पुर् याउनु होस् ।
कुनै पनि सहकारी संस्थाले सामान्यतयाः कुल शेयर पूँजीको बढीमा १० गुणासम्म सदस्यहरुबाट बचत / निक्षेप लिन सक्ने प्राबधान रहेकोले शेयर पुँजी र बचतको अनुपात मिलेको छ छैन ? जानकारी लिने प्रयास गर्नुहोस् ।